Xəbərlər

02.02.2024 14:10

MMX və Türkmənistanın Maliyyə Monitorinqi Orqanı arasında Anlaşma Memorandumu imzalanıb

Cari ilin 31 yanvar tarixində Malta Respublikasının San-Culyan şəhərində Eqmont Qrupunun işçi və regional qruplarının görüşləri çərçivəsində Azərbaycan Respublikasının Maliyyə Monitorinqi Xidməti ilə Türkmənistanın Maliyyə və İqtisadiyyat Nazirliyi yanında Maliyyə Monitorinqi Orqanı arasında cinayət yolu ilə əldə edilmiş əmlakın leqallaşdırılmasının, əlaqəli predikat cinayətlərin, terrorçuluğun və kütləvi qırğın silahlarının maliyyələşdirilməsinin qarşısının alınmasına (ƏL/TMM) dair Anlaşma Memorandumu imzalanıb. 

Memorandumun imzalanmasında məqsəd hər iki qurum arasında qarşılıqlı faydalı əlaqələrin qurulmasını təmin etmək, habelə ƏL/TMM sahəsində effektiv məlumat mübadiləsini inkişaf etdirməkdir. Bununla da, iki ölkə arasındakı mövcud olan diplomatik münasibətlər ƏL/TMM sahəsində də dərinləşəcək, yeni, daha sıx mərhələyə keçəcəkdir.

 

 

 

02-02-2024 | 14:10
← Geriyə