2022-2024-cü illəri əhatə edən ölkə risk qiymətləndirilməsi çərçivəsində, dövlət qurumlarının əməkdaşları üçün onlayn təlim keçirilib. Təlimin əsas məqsədi, cinayət yolu ilə əldə edilmiş əmlakın leqallaşdırılması və terrorçuluğun maliyyələşdirilməsinə qarşı mübarizə sahəsində mövcud zəiflikləri müəyyən edərək, qiymətləndirmə metodlarının düzgün tətbiqini təmin etmək olub.

Maliyyə Monitorinqi Xidmətinin ekspertləri iştirakçılara bu sahədəki qiymətləndirmə metodologiyasını izah edərək, müvafiq sahələrdə mövcud boşluqları və zəiflikləri ətraflı şəkildə müzakirə ediblər. Təlimin sonunda iştirakçılara qiymətləndirmə prosesinin necə həyata keçirildiyi, reytinqlərin necə təyin olunduğu və yekun qiymətləndirmə hesabatlarının hazırlanması ilə bağlı geniş məlumat verilib.

Təlimə Dövlət Vergi Xidməti, Ədliyyə Nazirliyi və Vəkillər Kollegiyasının ümumilikdə 10 əməkdaşı qatılıb. Təlim iştirakçıları əldə etdikləri bilik və təcrübə ilə müvafiq sahələrdə daha effektiv qiymətləndirmə işləri aparmaq imkanı əldə ediblər.