You are here: 
Münzen ges

Maliyyə nəzarəti və dövlətin maliyyə təhlükəsizliyinə həsr olunmuş konfrans keçirilib

Release Date:

Azərbaycan Dövlət İqtisad Universitetində keçirilən “Maliyyə nəzarəti - dövlətin və özəl sektorun konstitusion hüquqlarının qorunmasının təminatçısı kimi” mövzusunda konfransda Maliyyə Monitorinqi Xidmətinin İdarə Heyəti sədrinin müavini Azər Abbasov çıxış edib.

“Konstitusiya və Suverenlik İli”nə həsr edilmiş konfransın açılışında Azərbaycan Dövlət İqtisad Universitetinin rektoru Ədalət Muradov maliyyə nəzarətinin dövlət və özəl sektorun hüquqlarının qorunmasında mühüm rol oynadığını qeyd edib. Konfransda maliyyə naziri Sahil Babayev, Dövlət Vergi Xidmətinin rəisi Orxan Nəzərli, Dövlət Gömrük Komitəsinin sədr müavini Natiq Şirinov və digər vəzifəli şəxslər çıxış edərək, bu sahədə həyata keçirilən islahatlar və perspektivlər barədə danışıb, maliyyə nəzarətinin müxtəlif aspektlərinə toxunublar.

“ƏL/TM-ə qarşı mübarizə ölkənin maliyyə təhlükəsizliyinin mühüm amili kimi” mövzusunda məruzə edən Azər Abbasov bildirib ki, cinayət yolu ilə əldə edilmiş əmlakın leqallaşdırılması və terrorçuluğun maliyyələşdirilməsinə qarşı mübarizə ölkənin maliyyə təhlükəsizliyinin ayrılmaz hissəsidir və bu sahədə həyata keçirilən tədbirlər dayanıqlı və şəffaf maliyyə sisteminin qurulmasına xidmət edir.

Konfransda dövlət qurumlarının nümayəndələri, Azərbaycan Dövlət İqtisad Universitetinin (UNEC) professor-müəllim heyəti, Auditorlar Palatasının üzvləri və kollektivi, Azərbaycan İqtisadçılar İttifaqının nümayəndələri iştirak etmişdir.

Previus news:
Next news: