You are here: 
Münzen ges

Bakı Dövlət Universitetinin tələbələri üçün maarifləndirmə sessiyası təşkil edilib

Release Date:

3 mart tarixində cinayət yolu ilə əldə edilmiş əmlakın leqallaşdırılması və terrorçuluğun maliyyələşdirilməsi ilə mübarizə (ƏL/TMM) sahəsində ictimai maarifləndirməni gücləndirmək məqsədilə Bakı Dövlət Universitetinin tələbələri üçün xüsusi sessiya təşkil olunub. Tədbirin əsas məqsədi ƏL/TMM sistemi üzrə beynəlxalq standartlar, milli qanunvericilik və Maliyyə Monitorinqi Xidmətinin fəaliyyəti barədə tələbələri məlumatlandırmaq olub.

Açılış nitqi ilə çıxış edən ƏL/TMM üzrə ekspert Fuad Əliyev iştirakçıları salamlayaraq, maarifləndirici sessiyanın məqsəd və əhəmiyyətini vurğulayıb.

“Hüquq”, “Beynəlxalq münasibətlər və iqtisadiyyat”, “Tətbiqi riyaziyyat və kibernetika” və “Mexanika-riyaziyyat” ixtisasları üzrə təhsil alan tələbələrə ƏL/TMM anlayışı, beynəlxalq standartlar və milli qanunvericilik, Maliyyə Monitorinqi Xidmətinin fəaliyyəti və beynəlxalq əməkdaşlığı barədə ətraflı məlumat verilib. Təlim zamanı qlobal ƏL/TMM sistemi bağlı xüsusi videoçarx nümayiş etdirilib, bu isə iştirakçıların mövzuya daha yaxından bələd olmasına imkan yaradıb.

Daha sonra Xidmətin Elektron Tədris Platformasının təqdimatı zamanı tələbələr platformanın modulları və təqdim olunan tədris resursları ilə tanış olublar.

Tədbirin yekununda maarifləndirici resurslardan fəal istifadə etməyin və davamlı öyrənmənin vacibliyi vurğulanıb.

Previus news:
Next news: